Хонго нь загатнаж, мөнгө нь ихдээд байгаа Н.Номтойбаяр тэргүүтэй баян айлын эрх бацаануудыг хорстол нь алгадаад явуул Дорнодчуудаа. Тэрний мөнгөтэй өнгөтэй тэндээ л байдаг юм байгаа биз. Гэхдээ арай ч хүний итгэл үнэмшлийг худалдаж автлаа сагаагүй байлгүй. Намын гишүүнчлэлийг сүлжээний бизнес болгож,  үнэмлэх арилжиж буй энэ нөхрөөс авах ёстойг нь аваад өөрөө ойчсон хүүхэд уйлдаггүй юмаа гээд инээгээд үд. Төрийн ажлыг сэтгэл амар цалгардуулж долоо хоног болгон шахуу урилгагүй зочилж хөөгдөхөөс наагуур юм болж байгаа  дэд сайтдан мэргэн арга сэдэж, сонгуулийн өмнө намынхаа гишүүдийн тоог 3000 болгох зорилт дэвшүүлжээ.

Ингэхдээ НАМЗХ-гоо ашиглахаар шийдсэн аж. Өөрөөр хэлбэл НАМЗХ-ны нэг гишүүн арван гишүүн элсүүлэх үүрэг хүлээнэ. Тэдгээр нь мөн цаашаа арван хүн олно. Энэ мэтчилэн салаалаад байвал уг нь ч 3000 гэдэг тийм их тоо биш. Гэхдээ нөгөө талаас нэг аймгийн хэмжээнд гэвэл бас ч үгүй яггүй. Тэр тусмаа МАН-ын рейтинг гэрлийн хурдаар буурч буй энэ үед  энэ намтай нэр холбогдох сонирхолтой тийм ч олон хүн байхгүй биз. Чухам тиймээс л мань хүн сүлжээний бизнесийн менежментийг нам дээрээ туршиж гишүүн элсүүлсний урамшуулал гэх үнэлэмжийг бий болгосон гэх. Энэхүү мэргэн санаагаа хэрэгжүүлэхээр хэрэгтэй мөнгө хэл, төсвөө гаргаад аваад ир хэмээн холбооны залуучуудаа шахаж байгаа аж.

Намаа мөнгөөр угжиж дэд сайдын суудалд суусан нь тэндээ л байдаг юм байгаа биз. Найзуудаа Хятадаар аялуулж PR хийсэн нь эндээ л байдаг юм байгаа биз. Гэхдээ юманд хэмжээ хязгаар гэж бий.  Хэтэвч нимгэн, ходоод нь хоосон байсан ч итгэл үнэмшил, үзэл бодол нь халгилж буй биз Дорнодын залуус. Тэрхүү итгэл үнэмшлийг чинь юман чинээд үзээгүй Н.Номтойбаяр тэргүүтнийг сэрүүн зүүднээс нь сэрээн, өгснийг нь аваад өгзгөн дээр нь ганц сайн алгадаад явуул. Мөнгөтэй гээд дуртайгаараа тоглож болохгүй биз дээ.