Налайх дүүргийн “Хаан банк”-ны салбарын захирлын нөхрийг буудаж, хүний амь насанд хүрсэн  А.Бат-Ялалт гэгчид холбогдох хэргийн мөрдөн байцаалтын ажиллагаа дуусч, өнгөрөгч даваа гаригт тус хэргийг нийслэлийн Прокурорын газрын хяналтад шилжүүлжээ.  Хяналтын прокурор мөрдөн байцаалтын ажиллагаа хангалттай явуулсан гэж үзвэл шүүхэд шилжүүлэх юм.

А.Бат-Ялалтыг буу олж авах, эд ангийг нь өөрчлөхөд оролцсон байж болзошгүй хэмээн  хамсаатнаар шалгагдаж байсан  Дархан-Уул аймгийн иргэн Э-ийн гэм буруутай нь мөрдөн байцаалтын явцад нотлогдоогүй учир хэрэгт холбогдолгүй гэж үзжээ. Дээрх ноцтой хэрэг өнгөрөгч хоёрдугаар сарын 03-н ы өглөө Налайх дүүрэг дэх Хаан банкны салбарт гарсан  юм.