Улсын бүртгэлий ерөнхий газар төрийн үйлчилгээг иргэдэд ойртуулж, үйлчилгээний ачаалал, төвлөрөлийг саармагжуулах,  хүртээмжийг сайжруулах зорилгоор үйлчилгээний зохион байгуулалтдаа өөрчлөлт оруулж,  Эд хөрөнгийн эрхийн бүртгэлийн газрын Баянгол, Баянзүрх, Сонгинохайрхан дүүргийн үйлчилгээг тухайн дүүргийн Улсын бүртгэлийн хэлтэст төвлөрүүлэх ажлыг эхлүүлжээ. Иймээс дээрх дүүргийн иргэд өөрийн оршин суугаа харьяаллын дагуу эд хөрөнгийн эрхийн бүртгэлтэй холбоотой бүхий л төрлийн үйлчилгээг нэг цэгээс авах боломж бүрдэх аж. Өмнө нь иргэн эд хөрөнгийн бүртгэлтэй холбоотой өөрт  хэрэгтэй үйлчилгээг авахын тулд  100 айлд байрлах УБЕГ-ын зорих зайлшгүй шаардлагатай байсан бол  ирэх даваа гаригаас   цаг заваа бодитой хэмнэж төрийн үйлчилгээг илүү хүртээмжтэй, шуурхай авах боломжтой болох юм байна.

Эд хөрөнгийн эрхийн бүртгэлийн газраар өдөрт нийт 1300 гаруй иргэн үйлчлүүлдгээс архивын чиглэлээр 400, эд хөрөнгийн эрхийн бүртгэлийн чиглэлээр 850-900 орчим иргэн үйлчлүүлдэг аж. Баянгол, Баянзүрх, Сонгинохайрхан дүүргийн тухайд хүм ам ихтэй бөгөөд эд хөрөнгийн эрхийн бүртгэлийн газраар үйлчлүүлж байгаа нийт иргэдийн 60 орчим хувийг тус дүүргүүдээр үйлчлүүлдэг иргэд эзэлдэг. Тэгвэл одоо ийнхүү шилжүүлснээр Улсын бүртгэлийн ерөнхий газрын Эд хөрөнгийн эрхийн байна.  Ийнхүү зохоин байгуулалталд өөрчлөлт оруулснаар бүртгэлийн газраар өдөрт үйлчлүүлдэг иргэний тоо 60 хувиар буурна.

Улсын бүртгэлийн ерөнхий газраас цаашид бүртгэлийн тэр дундаа гадаад паспортын үйлчилгээг иргэдэд ойроос шуурхай хүргэхээр зорьж мөн адил иргэдийг оршин суугаа газраасаа гадаад паспорт захиалан авах боломжийг бий болгохоор төлөвлөж байгаа аж.