“Улс төрд эмэгтэйчүүдийн оролцоог нэмэгдүүлэх нь” сэдэвт Азийн бүсийн бага хурал Чингис зочид буудалд эхэллээ. Хоёр өдөр үргэлжлэх энэ бага хуралд  Монгол Улсаас 30 гаруй, гадаадын орнуудаас 50 гаруй төлөөлөгч оролцуулахаар урьдчилан мэдүүлэг аваад байгаа юм.

БНХАУ, БНСУ, Вьетнам, Индонез, Камбож, Киргиз, Лаос, Мъянмар, Филиппин, Шинэ Гвиней, Тайланд, Тимор Лесте  зэрэг 20 гаруй орны парламентын гишүүн, Засгийн газар, иргэний нийгмийн төлөөлөл, НҮБХХ-ийн ажилтнууд, экспертүүд  уг хуралд оролцож байна.