Спрайт супер лигийн “Бүх оддын тоглолт” боллоо | News.MN

Спрайт супер лигийн “Бүх оддын тоглолт” боллоо

Хуучирсан мэдээ: 2012.04.02-нд нийтлэгдсэн

Спрайт супер лигийн “Бүх оддын тоглолт” боллоо

Амны цангааг тайлж сэнгэнэсэн цэвэр амтаараа хэрэглэгчдийн сэтгэлд хүрсэн бүтээгдэхүүн бол яахын аргагүй Спрайт ундаа билээ. Спрайт ундааны Эрч хүчний тэсрэлт өгдөг жинхэнэ цэвэр амтнаас нь гадна хүүхэд, залуус сагсан бөмбөгтэй салшгүй холбож үздэг. Үүний учир нь “М-Си-Эс Кока Кола” компани “TLG13”ТББ-тай хамтран жил бүр уламжлал болгон зохион байгуулдаг Сагсан бөмбөгийн СПРАЙТ ХӨГЖЛИЙН ЛИГ болон  СПРАЙТ СУПЕР ЛИГИЙН тэмцээн юм

2 сарын 4-нд эхэлсэн Спрайт супер лигийн бүх оддын тоглолт “SPRITE ALLSTAR ERDENET 2012” нэртэйгээр  хөдөө орон нутагт буюу Орхон аймгийн Эрдэнэт хотноо анх удаа амжилттай зохион байгуулагдлаа. Лигийн аялан тоглолтын хүрээнд болсон энэ жилийн “Бүх Оддын тоглолт”-ыг  “М Си Эс Кока Кола” компанийн гүйцэтгэх захирал Л.Мягмаржав нээсэн бол “Тв коктейль” хамтлагийн жүжигчид болох Э.Цолмонбаяр, А.Өнөржаргал нар хөтлөсөн юм. Мөн “Бүх Оддын тоглолт”-нд  “Asian beat” наадмын шилдэг дуу хоолой, Coke’n beat наадмын ялагч амьд хөгжмийн “The Compass” болон  “Extacy” хамтлагууд ая дуугаа өргөлөө. Түүнчлэн Dj Өлзийгийн хөгжим, гэрлийн гайхалтай шоу “Бүх Оддын тоглолт”-ыг чимж байсан юм.

“Бүх Оддын тоглолт” уламжлал ёсоор шилдэг тоглогчдын хоорондох тоглолтоор эхэлсэн. Лиг эхэлснээс хойш статистик үзүүлэлтээр багаа төдийгүй лигийн залуусаас шилдэг  байсан тоглогчид  баруун, зүүн гэсэн  хоёр багт хуваагдан өрсөлдсөн юм. Тэмцээний эцсийн дүнд  МУГТ, ОУХМ  Ц.Шаравжамцаар ахлуулсан зүүн бүсийн тамирчид 58:54 харьцаатайгаар өрсөлдөгч багаа буулган авлаа. “Бүх Оддын тоглолт”-ын “Үнэ цэнэтэй тоглогч”-ийг хожил  авсан багаас тодруулдаг уламжлалтай бөгөөд “Дархан” багийн  тоглогч С.Мөнхтүвшин тодорлоо. Тэрээр “Бүх оддын тоглолт”-нд 22 оноо, 3 самбараас бөмбөг авалт, 2 бөмбөг таслалт гүйцэтгэж, оноо авалтаар бүх тоглогчдыг тэргүүлсэн юм. Түүний хувьд  лиг эхэлснээс хойш нэг тоглолтонд 25,8 оноо дундчилж, лигийн бүх тоглогчдоос нэг тоглолтонд оноо авалтаараа тэргүүлж байсан шилдэг тоглогч юм. “Бүх Оддын тоглолт”-ын “Үнэ цэнэтэй тоглогч” маань 1.000.000 төгрөг, өргөмжлөл, бэлэг дурсгалын зүйлээр шагнагдлаа.

“Бүх Оддын тоглолт”-ын “3 онооны шидэлтийн тэмцээн”-д нийт долоон тамирчин өрсөлдсөнөөс аваргын төлөөх тоглолтонд,  энэ жил аваргаа хамгаалж буй “ОТИС” багийн н.Эрдэнэбаяр болон “Эрдэнэдрийлинг RIGS” багийн Г.Нямбаяр, “Танан Импекс” багийн Ц.Отгонсүх нар өрсөлдсөн.  Хамгийн их буюу 11 оноог алсын зайнаас цуглуулж чадсан “Эрдэнэдрийлинг RIGS” багийн Г.Нямбаяр түрүүлж, шинэ аварга боллоо. Шинэ аварга 500.000 төгрөг, өргөмжлөл, бэлэг дурсгалын зүйлийн эзэн болсон юм.

Багийн эзэн, тоглогчидтойгоо хамтран оролцдог “Багийн тэмцээн”-д “Танан Импекс”, “Орчлон Мон торх”, “ОТИС”, ИНЕГ-ын “Буянт Ухаа” багууд өрсөлдлөө. Тус тэмцээний аваргаар “ОТИС” баг хамгийн бага хугацаанд буюу 26 секундэд тогтоосон газруудаас шидэлтээ амжилттай болгож аварга боллоо. “ОТИС” багийн бүрэлдэхүүнд багийн эзэн Р.Чулуунбаатар, тус багийн тоглогч Г.Олдохбаяр, Ж.Батболд нар оролцсон бөгөөд 500.000 төгрөг, өргөмжлөл, бэлэг дурсгалын зүйлсээр шагнууллаа.

“Бүх Оддын тоглолт”-ын “Skills challenge” буюу “Ур чадварын тэмцээн”-д нийт дөрвөн тоглогч өрсөлдсөнөөс “Эрдэнэдрийлинг  RIGS” багийн Б.Баярбат эхний шатанд 32 секунд, шийдвэрлэх үед 32 секундэд даалгавраа гүйцэтгэж, шинэ аварга боллоо. Түүний хувьд лиг эхэлснээс хойш нэг тоглолтонд 5,38 оновчтой дамжуулалт өгдөг, спрайт супер лигийн шилдэг холбон тоглогчдын нэг билээ. “Ур чадварын тэмцээн”-ий аваргад 500.000 төгрөг, өргөмжлөл, бэлэг дурсгалын зүйлээр шагналаа.

“Бүх Оддын тоглолт”-ын үзэгчдийн хамгийн үзэх дуртай тэмцээн бол Slam dunk буюу “Цагиран дээрээс довтлолтын аварга шалгаруулах тэмцээн” юм. Тус тэмцээнд нийт дөрвөн слэм данкчин оролцсон.  Аваргын төлөө “УБЦТС ХК” багийн А.Бямбадорж, н.Ивээл нар өрсөлдсөн юм. Тэмцээний эхнээс шүүгчид болон үзэгчдийг гайхалтай үзүүлбэрээ гайхшруулж байсан “УБЦТС ХК” багийн А.Бямбадорж эхний шатанд 50, хоёр дахь шатанд 50, шийдвэрлэх аваргын төлөөх үед 49 оноогоор “Цагиран дээрээс довтлолтын аварга“ боллоо.  Шинэ цагиран дээрээс довтлолтын аварга маань 500.000 төгрөг, өргөмжлөл, бэлэг дурсгалын зүйлсээр шагнагдлаа.

Ийнхүү Эрдэнэт хотын сагсан бөмбөгт дуртай үзэгчдийг огтхон ч уйдаагаагүй  “Бүх Оддын тоглолт”  амжилттай болж өнгөрлөө. Лигийн плэйоффын тоглолтууд Улаанбаатар хотын “Тэмүүжин” спорт зааланд үргэлжлэн явагдана.

Гэрэл зургийг ЭНД дарж үзнэ үү.

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

bama 2012-04-02 202.170.68.131

iluu ih sonirholtoi zurag uzii gevel sprite league gsn facebook hayagar orj sonirhooroi

Avatar

Zurag goyo 2012-04-02 202.70.39.254

yamar goyo zuragnuud bnaa.ulaanbaatart hiih bsan yum.sain ajilj bga sprite, tulga daa bayar hurgie.ene yag yamar zurag gedeg ee tailbarlaach,

Avatar

Medee 2012-04-02 202.70.39.254

medeelel ni uneheer goyo yumaa.ene ligi mongolin sagsan bombogin hogjil yum shig ee tulgaa duu ch mongolin sagsand hen ch muu helsen ih yum hiij bna dA.holbooni muu luivarchidin buleglel icheesei bilee dee.Sprite all star.

Avatar

MNBA 2012-04-02 202.70.39.254

tulgaa chi yagaad mnba holboogoogroo ajil hiihgui bga yum be.ter mba ligi deer muugaa uzeed bhin mba bol sprite ligi deer daruulsan shde,naad mba gedeg luivarchidiin holboogoo nam daraach.chamaig mongolin sagsan bombogchid bugd demjij bga zorigtoi ajilaach.

Avatar

TOP 2012-04-02 202.70.39.254

uneheer goyo buh ododin toglolt bolson shu.sprite ligi shig goyo sain ligi mongold bhgui shu.mongolin sagsan bombogin shine ue sprite ligs ehelj bna dA.dashdorj ba tuuni nohod odoo ataarhaj uhene deee.nice sprite all star nice.

Avatar

zochin 2012-04-02 202.70.39.254

Ene tulgaa gedeg zaluu tlg13 sprite ligii mongolin sagsan bombogt ih jil setge zurheer ajilj bnaa.ene sagsan bombogiin holboog yaanaaa.arai l denduu archaagui holboo.mongold nomber one sprite ligi

Avatar

Esolution 2012-04-02 202.170.67.214

сагсан бөмбөг гар бөмбөгийн тэмцээн шүүх ЭЛЕКТРОН ОНООНЫ САМБАР захиалгаар хийж хямд үнээр зарж байна. захиалагчийн хүсэлтээр дизайныг өөрчлөх боломжтой. довтолгооны 24 секундын дэлгэц тусдаа, хугацаа долийн нарийвчлалтай. Сагсан бөмбөгийн стандартын дагуу зохион байгуулцгаая. Холбоо барих утас 99089593, 99089290

NewsMN Гар утасны хувилбар Татах
NEWS.mn

Мэдээллийн эх сурвалж