Өмнөговь аймаг дахь Оюутолгой-Улаанбаатар чиглэлийн "Аэро Монголиа" компанийн "Фоккер-50" агаарын хөлөг өнгөрөгч баасан гаригт буюу гуравдугаар сарын 30-нд тодорхой нөхцөл байдлын улмаас нислэг нь саатсан. "Оюутолгой" компанийн захиалгат нислэгээр тус компанийн 34 ажилчин Улаанбаатарыг зорих ёстой байсан ч гэнэтийн нөхцөл байдлын улмаас нислэгийг цуцалсан юм. Харин зорчигчдыг 31-ний өглөө 06.15 цагт Даланзадгадаас “Eznis” компанийн онгоцоор Улаанбаатар руу тээвэрлэсэн билээ.

Одоогоор онгоцны зөрчлийн шалтгааныг тодруулахаар ИНЕГ-ын Нислэг, техникийн осол зөрчлийн  шинжин шалгах албаны дарга н.Наранхүүгээр ахлуулсан ажлын хэсэг ажиллаж байгаа бөгөөд эцсийн дүгнэлт хараахан гараагүй байгаа ажээ. Онгоцны гэмтлийн шалтгааныг урьдчилсан байдлаар “Фоккер-50” агаарын хөлөг хөөрөх үед хөндлөнгийн салхинд өртөн нислэгийн зурвасаас гарсан. Улмаар онгоцны дугуй зурвасны гэрлийг дайрч, гэрэл нь онгоцны сэнсний хөдөлгүүрийг гэмтээсэн” хэмээн тайлбарлаж буй.