Францын Thales Alenia Space компанид  хийлгэсэн Хятадын харилцааны холбооны хиймэл дагуулыг бямба гаригт амжилттай хөөргөсөн талаар РИА Новости мэдээлэв.

Хонконгийн APT Satellite Company энэ хиймэл дагуулыг Францад хийлгэсэн ажээ. Хятадын баруун өмнөд хэсэгт байдаг Сичан пуужин хөөргөх талбайгаас орон нутгийн цагаар 18.27 цагт Long March-3B пуужингаар  APSTAR-7 хиймэл дагуулыг тойрог замд оруулсан байна.

APSTAR-7 хиймэл дагуул 16 жил ажиллах бөгөөд энэ хиймэл дагуулын ажиллах хугацаа нь дууссаны дараа APSTAR-2R хиймэл дагуул мэдээлэл өгөх юм. Хиймэл дагуул Ази, Ойрхи Дорнод, Африк, Австрали болон Европын орнуудад үйлчлэх хүрээтэй бөгөөд теле болон видео мэдээлэл дамжуулах хүчин чадалтай юм байна.