Японы эрдэмтэд илүү аюултай шинэ цунамийн талаар ярьцгаах болжээ. Тэр нь далайн дорх “Нанкайн хагархай” хэмээх хавтан хөдөлснөөс үүсч болзошгүй аж. Тэнд газар хөдөлснөөр 30 мерт өндөр давалгаа үүсч магадгүй байгаа ажээ. Газар дорх түлхэлт дуусаагүй байхад уг давалгаа Японы арлын эрэгт хүрэх магадлалтайг эрдэмтэд тооцоолжээ. “Нанкайн хагархай” нь 900 км өргөнтэй хавтан бөгөөд Японы төв арал Хонсюгаас зүүн тийш оршдог юм байна. Тэнд ойрын 10 жилийн дотор хүчтэй газар хөдлөлт болох төлөв ажиглагджээ.

Сүүлийн удаа тийм гамшиг 1946 онд тохиож 8,1 магнитудын газар хөдлөлт болж 35 мянга гаруй орон сууц устаж үгүй болж олон мянган хүний амь нас эрсдэж байжээ.

“Нанкайн хагархай” орчимд дахин газар хөдөлбөл Сикоку арлын Коти орчим хамгийн хүндээр нэрвэгдэх агаад 34,4 метр өндөр давалгаа үүсч болох урьдчилсан таамгийг эрдэмтэд дэвшүүлсэн байна. Эрдэмтэд судалгаагаа эрчимжүүлж, Японы аль хэсэг тийм гамшиг нүүрлэвэл илүү өртөж болохыг тооцоолж байгаа ажээ.