БНСУ-ын Аж үйлдвэрийн хүний нөөцийн хэрэг эрхлэх газрын Монгол дахь суурийн төлөөлөгчийн газраас Монгол улсад үйл ажиллагаа явуулж буй Солонгос компаниудын ажлын байрны хэрэгцээнд нийцүүлж БНСУ-д хөдөлмөрийн гэрээгээр ажиллаад нутаг буцаж ирсэн иргэдийг мэргэжлийн түр сургалтад хамруулах болоод байгаа билээ.

Энэ үүднээс тус сургалтыг зохион байгуулах, төгсөгчдийг Монгол улсад үйл ажиллагаа явуулж буй солонгос компаниудад ажилд оруулахад дэмжлэг үзүүлэх тал дээр хамтарч ажиллахыг сонирхсон сургалтын байгууллагуудыг урьж байгаа юм байна.  Уг сургалтанд барилгын бүх төрлийн ажил, цахилгаан гагнуур, авто машины засвар, хүнд даацын машин, солонгос хоол гэх мэт орж байгаа бөгөөд хамтарч ажиллахыг хүссэн сургалтын байгуулагын бүртгэлийг дөрөвдүгээр сарын 25-н хүртэл өөрийн байрандаа бүртгэж авах юм байна. Илүү дэлгэрэнгүй мэдээлэлийг www.monkor.net сайтнаас авч болох юм байна.