Сүхбаатар аймаг дахь Худалдаа, аж үйлдвэрийн танхим, Хүний эрхийн олон улсын “Эмнести интернейшнл” байгууллагатай хамтран “Хүний эрх ба бизнес” сэдэвт сургалтыг Баруун-Урт сумын нийт 23 бизнес эрхлэгчдэд хүргэсэн байна. Сургалт энэ сарын 27-нд болжээ. Сургалтаар гэрээ болон бизнесийн мэдээлэл алдагддаг гол сувгууд, тэдгээрээс урьдчилан сэргийлэх бодит аргуудыг заасан байна. Мөн ажил олгогч нь ажиллагсадтайгаа хэрхэн хамтран үр бүтээлтэй ажиллах зэрэг бидний мэддэг хэрнээ хэрэгжүүлж амжаагүй үйлдлүүдийг онцлон, үр нөлөөг нь тайлбарласан байна.