Казахстаны нийслэл Астана хотноо “Лондон-2012” олимпийн наадмын эрх олгох чөлөөт бөхийн Ази тивийн тэмцээн өнөөдөр эхэлж байна. Шар тивийн 21 орны тамирчид зодоглох тус тэмцээний эхний өдөр буюу өнөөдөр чөлөөт бөхийн эрэгтэйчүүдийн 55, 60, 66, 74, 84, 96 кг-ын барилдаан болох юм. Эдгээр жинд барилдах Монголын тамирчдын тухайд:

55 кг: Д.Цогтбаатар

60 кг: Г.Мандахнаран

66 кг: Б.Батзориг

74 кг: Д.Гомбодорж

84 кг: О.Үйтүмэн

96 кг: Д.Хүдэрбулга нар барилдана. Харин маргааш эрэгтэйчүүдийн 120 кг болон сонгомол бөхийн барилдаан болох бол ням гаригт эмэгтэйчүүд олимпийн дөрвөн жинд өрсөлдөнө. Өнгөрсөн онд Туркийн Стамбул хотноо болсон ДАШТ-ээс эмэгтэйчүүдийн 63 кг-ын жинд О.Насанбурмаа олимпийн эрхээ авсан тул энэ удаад 48 кг-д Ц.Энхжаргал, 55 кг-ын жинд Э.Сумъяа, 72 кг-д Б.Одончимэг нар барилдах юм.

Хэсгийн барилдаан Монголын цагаар 15.00 цагаас эхэлнэ.