Өнгөрөгч онд буюу 2011 оны байдлаар Орхон аймгийн хэмжээгээр есөн хүнийн амийг онц ноцтойгоор бүрэлгэсэн хэрэг  есөн  удаа гарсан байна. Харин он гарсаар буюу 2012 онд сар тутам гурван хүн амины хэрэг гараад байна. Нэг үгээр хэлбэл сар тутам нэг иргэн хэн нэгний гарт амиа алддаг болжээ. Саяхан буюу Аймгийн ЦГ-ын бие бүрэлдэхүүн болоод мөрдөн байцаах тасгийнхан  энэ оны 3 сарын 23 ны өглөө хүлэг хүнсний зах, Хангарьд паласын өмнө эмэгтэй хүний цогцос олджээ.  Аймгийн ЦГ-ын бие бүрэлдэхүүн болоод мөрдөн байцаах тасгийнхан  газар дээр нь очиж үзлэг хийсэн бөгөөд  одоогийн байдлаар шалгаж байгаа гэнэ.

 Учир битүүлгээр бусдын гарт өртсөн шинжтэй байсан энэ эмэгтэйг “А” гэдэг байсан бөгөөд 2008 оноос эхлэн архинд шунан дурлаж хэт орсон удаа дараа Эрүүлжүүлэх баривчлах байранд саатуулагддаг байсан гэнэ. Нас барахаас өмнө хоногт ЭББайранд саатуулагдаад өглөө нь мөнгөө олж ирээрэй гээд гаргаж явуулсаны маргааш нь олдсон байна.

 Харьцангуй гайгүй амьдралтай байсан энэ эмэгтэй архинд хэт орсоноос шалтгаалан толгойндоо гэмтэл аван хорвоог орхисон харамасалтай хэрэг гарлаа. Энэ хэргийн эзэн холбогдогчийг олохоор хамт архи ууж байсан зарим хань хамсаатанг шалгаж байгаа. Ямартаа ч 40 настай залуу эмэгтэй архинаас болж амиа алдсан байна. Харин ЦГ-аас архины хэрэглээг таслан зогсоох, болж өгвөл татгалзах хэрэгтэйг анхааруулж байна.