Ялын биелэлтийг шалгажээ

Хуучирсан мэдээ: 2012.03.30-нд нийтлэгдсэн

Ялын биелэлтийг шалгажээ

Налайх дүүргийн прокурорын газраас албадан ажил хийлгэх ялаар шийтгэгдсэн ялтнуудын ялыг хэрхэн эдлүүлж буй, ялын биелэлт ямар байгааг Нийслэлийн шийдвэр гүйцэтгэх албаны харьяа, Налайх дүүрэг дахь шүүхийн шийдвэр гүйцэтгэх хэсгийн үйл ажиллагааг шалгажээ.

Шалгалтаар дүүргийн засаг даргын зүгээс ШШГТХуулийн 96-р зүйлийн 96.4, 96.5 дахь хэсэгт заасан үүргээ хэрхэн хэрэгжүүлж байгаатай танилцахад Дүүргийн засаг дарга нь албадан ажил хийх ялаар шийтгэгдсэн ялтнуудыг хавар, зун намрын улиралд дүүргийн "Цэцэрлэгжилт"-ийн албанд, өвлийн улиралд дүүргийн Хот тохижилт НӨҮГазарт ажиллуулахаар хуваарилж байгаа боловч албадан ажил хийх тухай хэвлэл мэдээллийн хэрэгсэл болон яриа таниулгаар нэг ч удаа нийтэд мэдээлээгүй, "Цэцэрлэгжилт"-ийн алба, Хот тохижилт НӨҮГазраас бусад байгууллагатай хамтарч ажиллааггүй зэрэг зөрчил гарчээ.

Мөн тодорхой байгууллагад хөдөлмөрийн гэрээний дагуу ажилладаг хүний ялыг тухайн байгууллагад нь, гэрээт ажлыг нь гүйцэтгүүлэн эдлүүлэхээр хуваарилж, ял шийтгэл гарцаагүй байх зарчмыг зөрчсөн байна.

Эдгээр болон шийдвэр гүйцэтгэх үйл ажиллагааны явцад гарч байгаа зөрчил дутагдлыг арилгуулахаар Налайх дүүргийн Засаг дарга, Нийслэлийн шийдвэр гүйцэтгэх албаны дарга нарт прокурорын шаардлага хүргүүлсэн бөгөөд шалгалтын дүнг НШГА-ны хорихоос өөр төрлийн ял хариуцсан ажилтныг оролцуулан шийдвэр гүйцэтгэгч нарт танилцуулж, Дүүргийн прокурорын дэргэдэх зөвлөлийн хуралдаанаар хэлэлцүүлжээ.

NewsMN Гар утасны хувилбар Татах
NEWS.mn

Мэдээллийн эх сурвалж