Саяхан Улсын Дээд шүүхэд нэр, дүрмийн өөрчлөлтөө бүртгүүлсэн ИЗ-НН-ынхан ирэх бямба гариг буюу гуравдугаар сарын 31-нд Үндэсний зөвлөлийн хурлаа хийх гэж байна. Энэ үеэр ИЗ-НН-ын дэд дарга нар, нарийн бичгийн дарга нарыг шинээр сонгох ажээ. Мөн 210 гишүүнтэй Үндэсний хороогоо шинэчилж улс төрийн зөвлөлөө сонгож, намын 2011 оны үйл ажиллагаа, санхүүгийн тайланг хэлэлцэхээр болжээ.

Тус намынхан сүүлийн үед ямар ажил хийж байгаа талаар ИЗ-НН-ын Хэрэг эрхлэх газрын дарга Г.Ганбатаас тодруулахад “Сүүлийн өдрүүдэд зүүн бүсийн аймгуудад ажиллаж Сонгуулийн шинэ хууль, Сонгуулийн кампанит ажлын баг бүрдүүлэлт зэрэг сэдвээр сургалт явууллаа. Мөн нийслэлийн төвийн зургаан дүүргийн гишүүдэд сургалт хийсэн. Удахгүй төвийн бүсд, дараа нь говь, баруун бүсийн аймгуудад үргэлжлүүлнэ” гэлээ.