Энэ сарын 17-нд хуралдсан Баруун бүсийн зөвлөлийн өргөтгөсөн хурлаар Увс аймгийн Ховд сумыг “Баруун бүсийн загвар сум”-аар шалгаруулахаар болж, саналыг Засгийн газрын Хэрэг эрхлэх газарт хүргүүлээд байгаа юм байна. “Баруун бүсийн загвар сум” шалгаруулах үзүүлэлтэд Увс аймгийн  Ховд сум, Завхан аймгийн Нөмрөг сум, Говь-Алтай аймгийн Дарви сум, мөн Ховд аймгийн Манхан сум, Баян-Өлгий аймгийн Алтай сумд өрсөлдөж, аймаг бүрээс таван хүний бүрэлдэхүүнтэй баг сум бүр дээр очиж ажиллаад Ховд сумыг шалгаруулахаар болжээ.”Баруун бүсийн загвар сум”-аар Ховд сум батламжлагдвал Засгийн газраас 100 сая төгрөгийн дэмжлэг авч, сум орон нутгийнхаа өнгө төрхийг өөрчлөх, үйлдвэр үйлчилгээгээ өргөтгөх боломж нээгдэнэ гэнэ.