Шаргал үст, үзэсгэлэнтэй бүсгүй Ука болзоондоо яаран алхана. Дурлалт залуу нь түүнийг хүлээн сууна… Ийнхүү “Киви” хамтлагийн ахлагч, дуучин Д.Уламбаяр буюу Укагийн “Танго” дууны клип эхэлнэ. Тэрбээр ээлжит шинэ клипээрээ үзэгчдэд бэлэг барьж байна. Тэрбээр энэ сарын 30-нд “I’m in love” нэртэй анхны бие даасан цомгийн баяраа хийхээр төлөвлөж байсан ч хойшлуулж, дөрөвдүгээр сарын 13-нд цомгийн баяраа хийхээр болжээ.

Цомгийн баярынхаа өмнө тэрбээр “Танго” дууныхаа клипийг үзэгчдийг хүртээл болгохоор шийджээ. Энэ удаад дуучин Ука дур булаам, шаргал үст, алуурчин эмэгтэйн дүрийг бүтээсэн байна. Харин түүний клипэнд жүжигчин Т.Билэгжаргал тоглосон байна. Тэрбээр “Танго” дуугаа өнгөрсөн онд болсон “Mongolian Music Video Awards-2011”  наадмын тайзнаа танго бүжиж, анх удаа шинэ уран бүтээлээ үзэгчдэд сонсгосон юм.