Жил бүр уламжлал болон зохион байгуулагддаг Засгийн газрын цомын төлөөх сагсан бөмбөгийн тэмцээн ирэх сарын 6-8-нд болох юм. Энэ удаагийн “Засгийн газрын цом -2012” тэмцээний зохион байгуулагчаар ХХААХҮЯ ажиллаж байна. Тэмцээний зохион байгуулалтын бэлтгэл болон өөрийн баг тамирчдын бэлтгэлтэй салбарын удирдлагууд танилцаж, хамт бэлтгэл хийжээ. Төрийн албан хаагчид оролцодгоороо онцлогтой энэ жилийн Засгийн газрын цомын тэмцээнд 14 байгууллага, 28 багийн 1500-гаад тамирчин хурд хүч, авъяас чадвараа сорин өрсөлдөнө. Тус тэмцээн ес дэх жилдээ золгож буй аж. Өнгөрсөн жил багаараа мөнгөн медаль хүртсэн ХХААХҮЯ-ныхан энэ жил бэлтгэлээ сайн базааса бөгөөд тэмцээний зохион байгуулалтын бэлтгэл ажлаа ч хийж байгаа аж.