Цаг агаарын нөхцөл байдалтай холбогдуулан Онцгой байдлын ерөнхий газраас өчигдөр орой 20.00 цагаас өнөөдөр өглөө 08.00 цаг хүртэл нийслэлээс баруун тийш чиглэсэн авто замын хөдөлгөөнийг түр хязгаарласан байна. Албаны хүний мэдээллээр цочир хүйтрэл, цасан шуурганаас шалтгаалан өчигдөр 20.00 цагаас өнөөдөр 08.00 хүртэл иргэдийн нэрлэж заншсанаар 22-ын товчооноос Эрдэнэт, Дархан зэрэг баруун тийш чиглэсэн зам тээврийн хөдөлгөөнийг түр хаажээ.

Ойрын өдрүүдэд цаг агаар огцом хүйтэрч, цасан болон шороон шуурга шуурах тул жолоочид холын замд гарахдаа техникийн бүрэн бүтэн байдал, зорчигчид хувийн бэлтгэлээ сайтар хангах хэрэгтэйг ОБЕГ-аас анхааруулж байна.