Монгол Улсын Ерөнхийлөгчийн зарлигаар Дархан –Уул аймгийн төрийн захиргаа, боловсрол, тээврийн салбарт олон жил үр бүтээлтэй ажиллаж, аймгийн хөгжил цэцэглэлтэд үнэтэй хувь нэмэр оруулж буй иргэдийг Монгол Улсын төрийн одон, медалиар шагнах арга хэмжээ аймгийн ЗДТГ-ын хүндэтгэлийн танхимд боллоо. Шагналыг тус аймгийн ИТХ-ын дарга Л.Гүнчин, аймгийн Засаг даргын орлогч Д.Батсүх, Аймгийн ЗДТг-ын дарга Т.Ганболд нар хүндэтгэн гардуулав.

    “Алтан гадас” одонгоор Аймгийн Захирагчийн албаны ахлах мэргэжилтэн М.Андрей, Оюуны Ирээдүй цогцолбор сургуулийн сургалтын менежер Я.Баатархуяг, Мэргэжлийн Хяналтын газрын улсын байцаагч Б.Наранцэцэг, Дархан сумын 11 дүгээр багийн өндөр настан Г.Самбуудагва, “Дархан Тээвэр” ХК-ний их эмч Т.Энх-Отгон нар энгэрээ мялаалаа. Хөдөлмөрийн хүндэт медалиар Дархан сумын 1 дүгээр сургуулийн захирал Д.Баярмаа, Дархан сумын 10 дугаар багийн иргэн Д.Лида,цэргийн гавъяаны одонгоор Дархан сумын 8 дугаар багийн иргэн, өндөр настан Я.Нэхийт, Дархан сумын 6 дугаар багийн иргэн, өндөр настан Т.Цээрэн, Дархан сумын 14 дүгээр багийн иргэн, өндөр настан Б. Шагдар нар тус тус шагнагдлаа.