Долдугаар сарын 1-ний хэрэгт холбогдсон цагдаагийн хуучин удирдлагууд болох Ч.Амарболд, Ш.Батсүх, О.Зоригт, Г.Ганбаатар нарыг шүүх хурал өнөөдөр цагдан хорих 461 дүгээр ангийн  шүүх хуралдааны танхимд болсон. Гэхдээ шүүгдэгчдийн өмгөөлөгч үйлчлүүлэгчээсээ татгалзаж, хурлыг орхиж гарснаар шүүх хурал тодорхойгүй хугацаагаар хойшилсон. Үүнтэй холбогдуулан Шүүхийн ерөнхий зөвлөлөөс Улсын Дээд шүүхэд албан ёсны мэдээлэл өгч байна.