Монгол улсын засгийн газраас 2012 оныг Өрхийн Хөгжлийг Дэмжих Жил болгон зарласан. Энэхүү ажлын  хүрээнд  Хас Банк нийслэлд амьдарч байгаа иргэдийн өрхийн орлогыг нэмэгдүүлэх, ажлын байр бий болгох, жижиг бизнес эрхлэлтийг дэмжих, сургалт зөвлөгөө өгөх чиглэлээр НЗДТГазартай хамтран ажиллахаар санамж бичигт гарын үсэг зурлаа.

Хамтын ажиллагааны эхлэлийг  нийслэлийн Чингэлтэй, Сонгинохайрхан, Баянзүрх дүүрэгт хэрэгжүүлэхээр төлөвлөж байна. Хамтын ажиллагааны гол зорилго дүүрэг, хороодын ажиллагсадтай хамтран тэнд амьдарч байгаа орлого багатай өрх, айлуудад  санхүүгийн үйлчилгээг хүргэх замаар тэдгээр өрхийн жижиг бизнесийн дэмжих, амжиргааны түвшинг дээшлүүлэхэд бодит дэмжлэг үзүүлэх явдал юм .