Монгол Улсын Ерөнхийлөгч Ц.Элбэгдорж Германд төрийн айлчлал хийхээр өнөөдөр Улаанбаатараас мордлоо. Тэрбээр Германы Ерөнхийлөгч Ё.Гаукийн урилгаар өнөөдрөөс эхлэн дөрөвдүгээр сарын 1-ний өдрүүдэд ХБНГУ-д айлчлах юм.

Европоос Монголтой хамгийн өргөн харилцаатай орны хувьд Германтай хоёр талын хамтын ажиллагааг хөгжүүлэх нь чухал ач холбогдолтой хэмээн үзэж талууд өндөр дээд хэмжээний айлчлалыг тогтмолжуулахаар болжээ. Өнгөрсөн зун ХБНГУ-ын канцлер хатагтай А.Меркель Монголд айлчилсан юм.