Үндсэн хуулийн Цэцийн дунд суудлын хуралдаанаар УИХ-ын Сонгуулийн хуулийн зарим заалт Үндсэн хууль зөрчсөн гэсэн асуудлаар иргэдийн гаргасан өргөдлийг хэлэлцээд одоо Зөвлөлдөх танхимд шилжиж байна.

УИХ-ын сонгуулийн 26 тойрогт 48 мандатын төлөө нэр дэвшигчдээс тус тусын тойрогтоо ялагдал хүлээсэн боловч сонгогчдоос 28 ба түүнээс дээш хувийн санал авсан нэр дэвшигчийг УИХ-ын гишүүнээр сонгогдсонд тооцож болохоор хуульчилсан нь Үндсэн хуулийн холбогдох зүйл заалтыг зөрчсөн гэсэн иргэдийн гомдлыг хүлээн авах эсэх тухай дүгнэлтээ Үндсэн хуулийн Цэц өнөө орой 17.00 цагт танилцуулахаар болсон байна.