Манай улсын нүүрсний салбарын хөгжил маш хурд хөгжиж буй нь тэнд үйл ажиллагаа явуулдаг компани, байгууллагуудын өдөр тутмын амьдрал ахуйд ч хүчтэй нөлөөлж байна. Үүний хамгийн сүүлийн нэг жишээ нь энэ сард Монгол нүүрс ассоциаци Дэлхийн нүүрсний ассоциацийн гишүүн болсон явдал юм. Уг ассоциацид Англи, Америк, Австрали, БНХАУ, Канад, Герман, Итали, Япон, Энэтхэг, Индонез, Иран, Колумб зэрэг дэлхийн улс орнуудын нүүрсний болон уул уурхайн үндэсний ассоциаци, холбоодоос гадна BHP Billiton, Peabody энержи, Rio Tinto, Xstrata коул, Shenhua групп, Anglo коул, Coal India, Mitsubishi зэрэг дэлхийн 19 орны нүүрсний салбарын акулууд нэгдэн орсон байдаг аж.