Үндсэн хуулийн Цэц маргааш дунд суудлаараа хуралдаж, УИХ-ын сонгуулийн тухай хуулийн зарим заалтаар маргаан үүсгэснийг хэлэлцэх гэж байна. УИХ-ын даргын захирамжаар Цэцийн хуралд УИХ-ыг төлөөлүүлэн дөрвөн гишүүнийг итгэмжлэгдсэн төлөөлөгчөөр оролцуулахаар болжээ.
УИХ-ын Төрийн байгуулалтын байнгын хорооны дарга Ж.Сүхбаатар, Хууль зүйн байнгын хорооны дарга Д.Одбаяр, УИХ-ын гишүүн Р.Гончигдорж, Э.Бат-Үүл нар Цэцийн дунд суудлын хуралдаанд Их Хурлыг төлөөлөн оролцохоор болжээ. Хуралдаан Үндсэн хуулийн Цэцийн ордонд маргааш өглөө 09.30 цагаас нээлттэй болох юм байна.
Д.ОЮУН