Өмнөд Солонгосын Тэргүүн хатагтай Ким Юн Ок даваа гаригийн үдэш цөмийн аюулгүй байдлын дээд хэмжээний уулзалтад оролцож байгаа 14 орны төр засгийн тэргүүнүүдийн гэргий нарыг хүлээн авч, уулзжээ. Тэргүүн хатагтай нарт барууны маягаар оройн зоог барьсан Ким Юн Ок тэднийг солонгос үндэсний гал тогоотой танилцуулахаа амлсан гэнэ. Оройн зоогийн дараа тэргүүн хатагтай нар Өмнөд Солонгосын Үндэсний музей үзэж сонирхсон байна. Түүнчлэн тэд Өмнөд Солонгосын Ерөнхийлөгчийн "Чхонвадэ" ордонг үзэх бөгөөд солонгос үндэсний ханбук хувцасны төрөл зүйлүүдийг сонирхох аж.

Ким Юн Ок тэргүүн хатагтай нарт эстрад концерт үзүүлэхээр төлөвлөсөн бөгөөд тоглолтод орчин үеийн хамтлаг дуучдаас гадна үндэсний дуучид ая дуугаа өргөх гэнэ.