УИХ-ын ээлжит хаврын чуулган эхлэхэд ес хоног үлдлээ. Энэ удаагийн УИХ-ын бүрэн эрхийн хамгийн отгон чуулганаар ямар асуудал хэлэлцэх талаар УИХ-ын даргын зөвлөлийн хурлаар одоо хэлэлцэж байгаа юм.

Орон нутгийн сонгуулийн тухай хуулийн шинэчилсэн найруулга, Бүсийн нэмэгдэл тогтоох тухай, Олон хүүхэдтэй эхчүүдэд тэтгэмж олгох тухай зэрэг хуулиудын төслөөс гадна АН-ын бүлэг, нэр бүхий гишүүдээс гаргасан саналын дагуу Батлан хамгаалахын сайд Ж.Энхбаяр, Монголбанкны ерөнхийлөгч Л.Пүрэвдорж нарын албан хариуцлагын асуудлыг ч хаврын чуулганд оруулж хэлэлцүүлэх бололтой байна.