Дархан-Уул аймгийн ИТХ-ын ээлжит бус хуралдаан болж 2012 оны төсөвт тодотголоо хийжээ. Хуралдаанаар аймгийн тодотгосон төсвийн орлогыг 16375712.6 мянган төгрөгөөр батлаж мөн аймгийн эдийн засаг, нийгмийг  2012 онд хөгжүү­лэхээр дэвшүүлсэн зорилтыг бүрэн хэрэгжүүлэх ажлыг зохион бай­гуулж төсвийн орлого, зарлагыг жигд ханган биелүүлж зарцуулалтад нь хяналт тавьж ажиллахыг тэргүү­лэгчд­эд үүрэг болгосон байна .Хуралдааны төгсгөлд аймгийн Иргэдийн төлөөлөгчдийн Ардчилсан намын бүлгийн гишүүд аймгийн Засаг даргад сонордуулга бичиг гардуулжээ. Уг бичигтэй хамт  аймгийн хэмжээнд архидалт их байгаагаас гэмт хэрэг нэмэгдэж байгаа учир архидалтыг багасгаж аливаа хүлээн авалт, ёслолын ажиллагааг архигүй тэмдэг­лэж байхыг уриалж “Өглөө” сүү, аймгийн эдийн засгийн чадавхийг нэмэгдүүлэхийн тулд төсвийн хөрөн­гийг үр ашигтай зарцуулахыг хүсч тооны машин, ажилгүйдэл ядуурал нэмэгдэж ард түмний аж амьдрал доройтож байгааг соргогоор харж ажиллахыг хүсч нүдний шил зэргийг бэлэг­лэсэн байна.