Албан тушаал, эрх мэдлээ хэтрүүлсэн хэрэгт холбогдоод буй Говьсүмбэр аймгийн Засаг дарга Ж.Баянмөнхийн хэргийг АТГ-т шалгаад, яллах дүгнэлт үйлдүүлэх саналтайгаар нийслэлийн Прокурорын газарт өнгөрөгч баасан гаригт шилжүүлжээ.
Нийслэлийн Прокурорын газраас хэргийг шүүхэд шилжүүлэх эсэхийг шийдээгүй байна. Тэрбээр цагдан хоригдож байхдаа эрүүл мэнд нь муудаж, эмнэлэгт хэвтсэн ч бие нь сайжраагүй учир эмнэлгээс гараагүй байгаа аж. Засаг дарга Ж.Баянмөнхийг Шивээ-Говь сум дахь орон нутгийн өмчит “Илчлэг шивээ” үйлдвэрийн газрыг өөрийн найздаа хувьчлахын тулд өмч хувьчлалын комисс болон доод тушаалтнууддаа хууль бус шаардлага тавьж, дарамталсан гэх хэрэгт шалгасан юм.
С.Отгон