Улсын заан Д.Рагчаа түрүүллээ

Хуучирсан мэдээ: 2012.03.26-нд нийтлэгдсэн

Монгол Улсын заан цолтнуудад хүндэтгэл үзүүлэх хүчит бөхийн барилдаан өчигдөр боллоо. Улс, аймгийн алдар цолтой хүчит 208 бөхийн барилдааныг энэ удаа ес дэх удаагаа зохион байгууллаа. Анх 1997 онд болсон барилдаанд улсын заан улсын заан Б.Цэнд-Аюуш түрүүлж байжээ. 

Гарьд Ж.Бат-Эрдэнэ, улсын заан Д.Рагчаа, Б.Соронзонболд, улсын харцага Т.Амартүвшин, Д.Батболд, Э.Батбаатар, улсын начин Б.Бадам-Очир, Ду. Батбаяр нарын хүчтэнүүд зодоглосон энэ удаагийн барилдаанд Архангай аймгийн Булган сумын харьяат, “Хүч” спорт хороо, “Макс” групп, “Бөхбилэгт” дэвжээний бөх, улсын заан Д.Рагчаа түрүүлж, Говь-Алтай аймгийн Цээл сумын харьяат, “Хилчин” спорт хороо, “Алтай констракшн”, “Хантайшир” дэвжээний бөх, улсын гарьд Ж.Бат-Эрдэнэ үзүүрлэв. Харин шөвгийн дөрөвт Ховд аймгийн Чандмань сумын харьяат, “Сүлд” спорт хороо, “Ховд” дэвжээний бөх, аймгийн арслан Б.Пүрэвсайхан, Хэнтий аймгийн Биндэр сумын харьяат, “Хан Хэнтийн аварга” дэвжээний бөх, аймгийн арслан Г.Ганцоож нар шалгарчээ.

Б.МАРАЛ

NewsMN Гар утасны хувилбар Татах
NEWS.mn

Мэдээллийн эх сурвалж