Нийслэлийн төсвийн хөрөнгө оруулалтаар барьж байгуулсан Улиастайн эцсийн буудлын барилга ашиглалтанд ороод удаагүй байна. Тээвэрчдийн амарч тухлах цайны газар, бие засах газар болон диспетчирийн бүртгэл бүхий тус байрыг “Автобус-3” компани хариуцан ашиглаж байгаа ажээ.

БЗД-ийн 23 дугаар хороонд буюу Улиастайн автобусны эцсийн буудал дээр их багтаамжийн автобусаар үйлчилгээ эрхлэгч “Автобус-3”, “Эмсид” ХХК, таксины болон бага багтаамжийн автобусаар үйлчилгээ эрхлэгч “Алтан цөгц трейд” ХХК хамтран энэ сарын 24-нд “Үйлчилгээгээ танилцуулах өдөрлөг” зохион байгуулсан байна. Өдөрлөгт урлагийн тоглолт үзүүлсний дотор нийтийн тээврийн кондуктор болон зорчигчдын дундах харилцааг хөгжилтэйгээр харуулсан шог зохиомжийг “Автобус-3”-ын ажилтнууд найруулан тоглосон байна.