БСШУ-ны сайд Ё.Отгонбаяр Их, дээд сургуулийн оюутнуудад олгож буй 70 мянган төгрөгийн олголт зохих журмын дагуу хийгдэж байгаа эсэхэд шалгалт хийхийг үүрэг болгосон. Үүний дагуу энэ сарын 19-нөөс БСШУЯ, Монголын оюутны холбоо хамтран 32 их, дээд сургуульд шалгалт хийж эхэлсэн.

Шалгалтын дөрвөн ажлын хэсэг байгуулагдсан ба хамгийн олон оюутантай сургуулиудаас эхлэн шалгаж байна. Шалгалтын явцад оюутнууд тэтгэлгийн 70 мянгын талаар мэдлэг багатайгаас гадна сургуулиуд төлбөрийн дутуу мөнгөнд шууд суутган авах, дараа жилийн сургалтын төлбөр рүү шилжүүлэх, зориуд тараасан формын хувцасны мөнгөнд шууд суутгаж авах зэрэг зөрчлүүд илэрсэн байна. Сургуулиудын гаргасан зөрчлийг газар дээр нь таслан зогсоож байгаа ажээ.

Ажлын хэсгүүд нэгдсэн дүн мэдээгээ ирэх дөрөвдүгээр сарын 1-нд танилцуулахаар болжээ.