Нью-Йорк дахь НҮБ-ын байрны гадаа өлсгөлөн зарлаж байсан Түвдийн иргэд тэмцлээ зогсоожээ. Тэднийг Нью-Йоркийн эмнэлэгт хүргэсэн боловч тэнд ч бас өлсгөлөнгөө үргэлжлүүлж байсан юм. Тэмцэгчдээс хамгийн удаан өлсгөлөн зарласан Доржээ Гялпо нь 27 хоног юу ч идээгүй аж.

НҮБ-ын шинжээчдийг Түвдэд очиж, тэндэхийн нөхцөл байдалтай танилцахыг хүссэн тэмцэгчид Хятадын Засгийн газар Түвдүүдийг хэрхэн гадуурхаж, заналхийлж байгааг дэлхий нийтэд ил болгохыг хичээсэн байна. Харин Хятадын эрх баригчид энэ бүхэнд Далай ламыг буруутгаж, түүнийг амиа золиослох терроризмыг дэмжиж байна хэмээн дэлхий нийтэд зарласаар байгаа билээ.