УИХ-ын дарга Д.Дэмбэрэл Баян-Өлгий аймагт Наурызын баярт оролцлоо. Түүнд аймгийн Засаг дарга С.Хавал мөнгөн бүстэй өвч казах хувцас бэлэглэсэн нь зохисон гэдэг нь “ванлий”.

Д.Дэмбэрэл дарга казах хувцастайгаа баярын нээлт, иргэдийн жагсаалд оролцож, баярт зориулан барьсан гэрүүдэд зочлон мусульман шашны ёсоор алга дэлгэн “бата” ерөөл айлтгаж, жинхэнэ аксакал болов.

Түүнд казах Баян-Өлгий аймгийн удирдлагууд хивс тохсон цагаан үрээ бэлэглэсэнд Д.Дэмбэрэл дарга мориныхоо хүзүүнд алд цэнхэр хадаг уяж ижил сүрэгт нь үлдээлээ.