“Бодлын хулгайч” уран сайхны киноны гол дүрийг бүтээсэн жүжигчин Б.Амарсайхан “Шинэ үе” продакшны жүжигчин н.Алтансүх буюу Аси, “Хэцүү анги”, “Рашаантын 18” зэрэг кинонд дүрээ мөнхөлсөн жүжигчин н.Навчаа нартай хамтран нэлээд хэдэн жилийн өмнө инээдмийн кино бүтээж байжээ. Гэвч “Бодлын хулгайч”-ийн гол дүр тэрхүү киноноосоо жигтэйхэн их ичдэг тухайгаа телевизийн нэвтрүүлэгт оролцох үеэрээ дурсав.

Дурлалын тухай өгүүлэх тус киноны найруулагчаар жүжигчин Аси ажиллаж, харин Б.Амарсайхан, н.Навчаа нар гол дүрийг нь амилуулсан ч тухайн үедээ хол “яваагүй” гэнэ. Энэ тухай жүжигчид өчигдөр “MN-25 дугаар суваг” телевизийн “Их хотын үдэш” нэвтрүүлэгт оролцохдоо хуучилсан юм. Санамсаргүйгээр сөхөгдсөн энэ бүтээлээсээ жүжигчин Б.Амарсайхан ихэд ичиж, олны хүртээл болгох хэрэггүй гэсэн бол жүжигчин н.Навчаа нь харин ч бүр цаашлуулан “Тухайн үед кино театрууд байгаагүй учраас яваагүй юм. Одоо хэрвээ гаргавал ашиг орлогоороо тэргүүлж мэднэ” хэмээн өмөөрнө лээ.