УИХ-ын гишүүдээс 15 нь тойргоо зорьжээ

Хуучирсан мэдээ: 2012.03.25-нд нийтлэгдсэн

УИХ-ын гишүүдээс 15 нь тойргоо зорьжээ

УИХ-ын Тамгын газраас гаргасан ирцийн мэдээгээр өнөөдрийн байдлаар 15 гишүүн тойрогтоо ажиллаж байна. Тодруулбал, Х.Баделхан, А.Тлейхан, Х.Жекей нар Баян-Өлгий аймагт, Ж.Батсуурь, Я.Батсуурь нар Дорноговьд, Д.Балдан-Очир, Д.Оюунхорол нар Завханд, С.Ламбаа, Р.Гончигдорж нар Архангай аймагт ажиллаж буй юм. Мөн Х.Бадамсүрэн, Ц.Баярсайхан нар Өмнөговьд, Э.Мөнх-Очир Булганд, Д.Одбаяр Дорнодод, Ц.Даваасүрэн Хөвсгөл аймагт тус тус ажиллаж байна. Тэдний олонхи нь ирэх сарыг гаргаж байж, буюу хаврын чуулган эхлэхийн өмнө Улаанбаатар хотод хүрэлцэн ирэхээр томилолт аван оджээ. Мөн долоон гишүүн гадаад орнуудыг зорьсноос УИХ-ын гишүүн Д.Арвин Германд ажиллаж байгаа аж. Тэрбээр энэ сарын 28-нд Улаанбаатар хотод хүрэлцэн ирнэ, бусад гишүүд болох Ц.Сэдванчиг, Ч.Сайханбилэг, С.Баярцогт, Г.Батхүү, М.Энхболд, Х.Наранхүү нарын хувьд гадаад дахь томилолт нь өнөөдрөөр дуусгавар болж байгаа аж. Нэг гишүүн эрүүл мэндийн шалтгаанаар өвчтэй байна, харин бусад нь нийслэлд ажиллаж буй юм.

Г.Дарь

NewsMN Гар утасны хувилбар Татах
NEWS.mn

Мэдээллийн эх сурвалж