Их Британийн Парламентийн гишүүд Вестминстерийн ордны цамхгийн Биг Бен цагны нэрийг өөрчлөх санал тавьсан талаар ИТАР-ТАСС мэдээлжээ. Хатан хаан II Элизабет энэ онд вант улсаа удирдсаны 60 жилийн ой тохиох бөгөөд гишүүд түүнийг Хатан хааны нэрээр нэрлэх саналтай байгаа юм. Парламентийн 23 гишүүн цагтай цамхгийг “Элизаветийн цамхаг” гэж нэрлэх  санал гаргасан аж.

Лордуудын болон төлөөлөгчдийн танхимын хуралдааны байр Вестминстерийн ордны Биг Бен цаг байдаг зүүн цамхагт байдаг юм. 1858 онд цамхгийг барьж дуусгасан ажээ. Биг Бен нь цамхагт байдаг том цагны нэр хэдий ч энэ нэрээр заримдаа цамхгийг нэрлэх тохиолдол ч байдаг юм.

Цамхгийн нэрийг Хатан хааны нэрээр нэрлэхэд гайхах зүйл байхгүй гэнэ.  1860 онд ордны баруун талын цамхгийг Хааны цамхаг гэж нэрлэсэн боловч дараа нь Викторийн цамхаг гэж өөрчилсөн байна.