НАТО Сирийн асуудалд оролцохгүй хэмээн НАТО-гийн ерөнхий нарийн бичгийн дарга Андерс Фог Расмуссен мэдэгдсэн байна. “Бид Сирийн зөрчилдөөнд оролцох бодолгүй байна. Сирийн асуудал нь Ливид болсон үйл явцаас огт өөр юм. Ливид НАТО нь НҮБ-ын Аюулгүйн зөвлөлийн мандаттай байсан” гэж Андерс Фог Расмуссен Германд болсон чуулганы үеэр хэлжээ. НҮБ-ын мандат нь Ливийн хүн зоныг Муаммар Каддафийн дэглэмийн түрэмгийллээс хамгаалах зорилготой байсан гэж тэрбээр онцолсон байна.

Ливид 20 орон цэргийн ажиллагаа явуулсан бөгөөд тэдгээрийн 14 нь НАТО-гийн гишүүн байсан юм. Цэргийн ажиллагаанд 250 онгоц болон дайны зориулалттай 20 усан онгоц оролцжээ. Бөмбөгдөлтөд Ливийн мянга гаруй энгийн иргэн амиа алдаж, 4,5 мянган хүн шархадсан гэсэн мэдээ байна.