Америкийн удирдаач Жиндон Кэй дахин Монголд иржээ. Тэрбээр энэ сарын 31-нд, ирэх дөрөвдүгээр сарын 1-нд Улсын дуурь, бүжгийн эрдмийн театрын тайзнаа тоглох “Аида” дуурийг удирдах юм. Жиндон Кэй энэ сарын 21-нд Монголд ирсэн бөгөөд хэдийнэ тоглолтынхоо бэлтгэлд ороод байгаа аж.

Стэйнфордын их сургуулийн профессор, хөгжим судлаач, удирдаач Жиндон Кэй өмнө нь УДБЭТ-ын уран бүтээлчидтэй хамтран П.И6Чайковскийн “Хунт нуур”, Ж.Бизе “Кармен” дуурь, А.Батдэлгэрийн “Тэнгэрийн ташуур” балетын удирдан тоглож байсан юм. Харин энэ удаад Италийн суут хөгжмийн зохиолч Ж.Вердийн “Аида”-г удирдах нь.