NBA-ын талбайд нэгэн цагт гялалзаж явсан, супер од Аллен Айверсон Доминиканы багт тоглохоор нэг сарын хугацаатай гэрээ байгуулжээ. Тус улсын сагсан бөмбөгийн лигийн “Пуэбло Нуэво” багийн ерөнхийлөгч Милтон Нунезийн “AP” агентлагт мэдээлснээр Айверсон ням гаригт Доминиканд очих бөгөөд очсон өдрөө Сантьяго мужид “GUG” багийн эсрэг хийх тоглолтод оролцох гэнэ. Харин Айверсоны цалингийн талаар ямар нэг мэдээлэл өгөхөөс татгалзсан байна.

Өдгөө 36 настай Айверсон 2010 онд NBA-ыг орхисон бөгөөд тухайн жил Туркийн лигт хэсэг хугацааг өнгөрүүлсэн билээ. Тэрбээр 2001 онд NBA-ын улирлын үнэ цэнэтэй тоглогчоор шалгарч, түүнээр удирдуулсан “Филадельф 76” баг финалд шалгарч байсан билээ.