Ирэх даваа болон мягмар гаригт Өмнөд Солонгост болох олон улсын цөмийн аюулгүй байдлын дээд хэмжээний уулзалтаар БНАСАУ-ын цөмийн хөтөлбөрийг хэлэлцэх нь “дайн зарласантай адил“ хэмээн Пхеньян мэдэгдсэн талаар ИТАР-ТАСС мэдээлэв.

Пхеньянаас мэдэгдэхдээ Хойд Солонгос улсад олон улсын уулзалтаар хэлэлцээд байх цөмийн асуудал байхгүй гэжээ. Сөүлд болох цөмийн аюулгүй байдлын дээд хэмжээний уулзалтад  улс орнуудын тэргүүнүүд болон олон улсын байгууллагын дарга нараас бүрдсэн 50 гаруй төлөөлөгч оролцох юм.