Хошин урлагийн “Өнгөт инээд” хамтлагийн жүжигчин, Соёлын тэргүүний ажилтан Г.Золбоот энэ сарын 18-нд нээлтээ хийсэн “Долоон бурхан харвадаггүй” уран сайхны киноны гол дүрийг бүтээсэн. Тэрбээр энэхүү кинонд БНМАУ-ын Бага хурлын тэргүүлэгчдийн дарга Д.Догсомын дүрд тоглосон юм. Киноны уран бүтээлчид энэ сарын 18-нд киноны нээлтээ хийсэн бөгөөд нээлтийн үеэр жүжигчид бүгд өөр өөрсдийн дүрд хувиран ирсэн юм. Яг л Д.Догсом XXI зуунд хүрээд ирсэн юм. Хамгийн хачирхалтай, инээдэмтэй ч гэмээр зүйл нь орчин үеийн Догсом жүжигчин Г.Золбоот гар утсаараа ярьж зогсох нь гэрэл зурагчдын дуранд өртжээ.