“Глобал Шейпэрс” нийгэмлэгийнхэн дэлхийд чансаагаараа хоёрдугаарт жагсдаг АНУ-ын Массачүсетсийн технологийн их сургуулийн хоёр профессор, 24 оюутныг эх орондоо урьсны дагуу өчигдөр тус багийнхан Монголд хөл тавьсан юм.  Харин өнөөдөр “Петровис” компанийн байранд уулзалт зохион байгуулж байна. Үүнд, Массачүсетсийн технологийн их сургуулийн багш, оюутнуудаас гадна Монголын 100 гаруй оюутан залуу оролцож байгаа юм. Уулзалтын үеэр тус сургуулийн MBA буюу бизнесийн чиглэлээр мастерын ангид хэрхэн элсч, суралцах мэдээлэл өгөх гэнэ. Уулзалт 17.00 цаг хүртэл үргэлжлэх бөгөөд үнэ төлбөргүй учир хэн бүхний өмнө нээлттэй юм.

Дашрамд дуулгахад, “Глобал Шейпэрс” нийгэмлэгээс бизнес, компьютерийн чиглэлээр суралцах чин эрмэлзэлтэй, чадвартай хэдий ч санхүүгийн хувьд боломжгүй залуусыг шалгаруулж, Малайзын Абухари их сургуульд суралцуулах тэтгэлэг зарлажээ.