Энэтхэгийн зүүн өмнөд нутагт том оврын автобус замаас гарч, цөөрөмд унасны улмаас сургуулийн 14 сурагч амь үрэгдсэн харамсалтай хэрэг өчигдөр гарчээ. Цагдаа нарын мэдээлснээр автобусны жолооч өмнөөс нь ирж явсан мотоцикльтэй мөргөлдөхөөс зайлсхийж, хажуу тийш эргэснээс осол гарсан байх магадлалтай гэнэ. Автобусанд нийт 40 хүн зорчиж явсан байна. Ослын шалтгааныг тогтоохоор цагдаагийн байгууллагынхан ажиллаж байна.