Баянгол дүүргийн нутаг дэвсгэрт 10 хорооллын уулзвар буюу Баруун 4 замыг чиглэсэн замд нийтийн тээврийн дөрвөн хэрэгсэл ар араасаа мөргөлдсөн зам тээврийн осол гарсан байна. Өглөөний 7.50 цагийн орчимд уулзвар дээр гурван автобус гэрлэн дохио хүлээн зогсож байжээ. Гэтэл Цахилгаан тээвэр компанийн тролейбус араас нь хүчтэй мөргөсөн байна. Тролейбусны жолооч “Тоормоз ажиллахаа больсон” гэж мэдэгдсэн байна.

Цахилгаан тээвэр компаниас лавлахад “Өглөө тролейбусны бүрэн бүтэн байдал, техникийн ажиллагааг шалгасан. Тоормоз зүгээр ажиллаж байсан” гэсэн хариу өглөө.  Ослын улмаас азаар зорчигчид гэмтэж, бэртээгүй байна.

Ослын шалтгааныг Баянгол дүүргийн замын цагдаагийн газар шалгаж эхэлжээ.