Apple компани шинэ iPad-аа энэ сарын 16-наас худалдаанд гаргасан ба нийт гурван сая iPad зараад байгаа тухай РИА Новости бичлээ.

Энэ мэдээллээс өмнө Apple компанийн Ерөнхий Захирал Тим Кук шинэ загварын iPad эхний өдрүүддээ компанийн түүхэнд байгаагүй тоогоор худалдаалагдсан гэж мэдэгдэхдээ тодорхой тоо дурдаагүй юм.

2010 оны дөрөвдүгээр сард Apple компани анхны iPad худалдаанд гаргасан ба эхний өдөр 300 мянган ширхэг зарагдаж байсан юм. Дараагийн загвар худалдаанд гарсан эхний өдрүүддээ 500 мянган ширхэг худалдаалагдаж байжээ.

Одоо гурав дахь үеийн iPad таблетыг Apple компани АНУ, Австрали, Канад, Франц, Герман, Их Британи, Хонконг, Япон, Сингапур болон Швейцарь зэрэг арван оронд худалдаалж эхлээд байгаа юм.