Сүүлийн үед “Бүх ний­тийн” гэдэг үг амны уншлага болж байх шиг байна. Арга ч үгүй биз. “Олны хүч оломгүй далай”, “Бүгдээрээ хэлэлцвэл буруугүй, бүлээн усаар угаа­вал хиргүй” гэдэг үгнээс л болсон байх. Дээрх үгэнд монголчууд эртнээс нааш олуу­лаа асуудлыг шийд­сээр ирсэн гэдэг утга илэр­хий бий. Тийм болохоор өөрс­дийгөө зөв зүйл хийж байна гэж хэлүүлэх гэсэн бүн бүр л “Бүх нийтийнддэг” болсон үе өнөөдөр тохиож байна. Юм л болбол бүх нийтийн аян зарлана. “Бүх нийтийн жагсаал, цуглаан хийнэ. Бүх нийтийн санал асуулга явуулна” гэдэг бол­жээ. Гэхдээ энэ нь үр дүнд хүрээд байгаа юм чинь  “моод”-нд орохгүй гээд яах вэ. Саяхан  бүх нийтийг витаминжуулах аян зарлахаар болсон тухай­ зар тарав. Зөв л сэтгэсэн байна шүү дээ. Цаг үедээ тааруулаад сэтгээд бай­гаа нэгнийгээ дэмжиж байж л урам зориг өгч, аж­лыг нь урагшлуулдаг биз дээ. Тэгэхээр бүгдээрээ витамин­жуулах аянд нь бүх нийтээ­рээ хамрагдацгаая. Иймэр­хүү аянд сайн дураа­раа л хамрагдах ёстой юм шүү дээ. Гэтэл зарим нэг нь бүх нийтийн аянд нэгдэ­хийн тулд аян зохион байгуулагчаас мөнгө авч байх юм. Зохион байгуулагч нь ч гэсэн дээ. Аянд нь сайн дураараа нэгдэх ёстой хүнд мөнгө өгч л байдаг. Тиймээс монголчууд минь бүх ний­тийн гэсэн тодотголтой бү­хэнд мөнгө авалгүй сайн дураа­раар нэгдэж, нэгнийхээ хийж буй ажлыг дэмжихийн хажуу­гаар асуудлаа олуулаа шийдэц­гээе. Хэзээ ч юм та өөрөө бүх нийтийн аян зохио­чих­сон гүйж явах ч юм билүү хэн мэдлээ. Ардын намын­хан хүртэл цаана чинь бүх нийтийн аянд нэгдэх гээд УИХ-ын сонгуулийн үеэр “Бүх ний­тийн санал асуулга явуулна” гээд гүйж байна. Саяхан болсон цагдаагийн дарга нарыг шүүх хурлын үеэр цагдаагийн бие бүрэлдэхүүн чинь бүх нийтийн дээд л сү­рийг үзүүлээ биз дээ. Шүүхийн­хэн тэднээс айгаад л бөөн юм болоогүй юу. Тэгэ­хээр асуудал бүрийг зөв ший­дэж байхын тулд бүх нийтийн аян нэгдэх нь хамгийн зөв арга байгаа биз. Аянд нэгдсэн байхад хожно уу л гэхээс алдах юм лав байхгүй. С.Ганбаатар хүртэл бүх нийтийн аяндаад цалин, тэтгэ­вэр  нэмүүлчихлээ гэх шив. Монголчууд эвтэй байхдаа хүчтэй гээд хэн нэгэн нь хэлээд байсан байх аа.