Хөдөлгөөний аюулгүй байдлыг хангах, замын ачааллыг багасгах, осол гэмтлээс урьдчилан сэргийлэхээр Нийслэлийн Засаг даргын Тамгын газар, Хууль зүйн Дотоод Хэргийн яам, Боловсрол соёл шинжлэх ухааны яам хамтарсан ажлын хэсэг байгуулсан юм. Энэ ажлын хүрээнд Замын цагдаагийн газрын тавьсан хүсэлтийн дагуу БСШУЯ-наас замын ачаалал, түгжрэлийг багасгах зорилгоор зарим их, дээд болон ерөнхий боловсролын сургуулийн хичээлийн цагийн хувиарт өөрчлөлт оруулах шийдвэрийг өнөөдөр хамтран эцсийн байдлаар гаргасан байна. Уг шийдвэрийн дагуу,

• ХААИС- 10.00 цагт,

• ЭМШУИС-08.00 цагт,

• ШУТИС- 10.00 цагт тус тус хичээлийн цагаа эхлүүлэхээр болж, өнөөдрөөс мөрдөж эхэлжээ.

Түүнчлэн, “American school”, “Орчлон”, “Santis” зэрэг ерөнхий боловсролын дунд сургуулиудын хуваарийг ирэх дөрөвдүгээр сарын 5-наас өөрчлөх юм байна. Дээрх хувийн сургуулиудын цагийг хэрхэн өөрчлөхийг тухайн үед нь шийдэх аж.

Мөн Улаанбаатар хотын томоохон худалдааны байгууллагын удирдлагуудтай ирэх долоо хоногт уулзаж, цагийн зөрүүг хэрхэн гаргах талаар хэлэлцэхээр болжээ. Эцсийн шийдвэрийг ирэх долоо хоногоос гаргаж мөрдөх ажээ.