Интернэтийн хувьсгал айл өрхийн үүдийг тогшиж, оруулахгүй нэгнийг нь ардаа орхиж, яг л “аалзны тор” мэт тархаж байна. Энэ цаг үед “social media” буюу дэвшилтэт медиа маркетингийг хөгжүүлэх нийгмийн мэдээллийн хэрэгслийн цар хүрээ өдрөөс өдөрт тэлж байна. Үүний нэгэн тод жишээ бол  “facebook”, “youtube”, “twitter” олон улсын сайтууд юм. Энэ чиглэлийн буюу нэг нэгэнтэйгээ санал сэтгэгдлээ чөлөөтэй хуваалцаж, интернэт орчинд биенес эрхлэх боломжийг нээн, дэмжих зорилготой “Social media club”-ын ээлжит уулзалт  гуравдугаар сарын 24-нд “Акума” төвийн 4 давхарт байрлах “MSH” ресторанд болох гэж байна. 

Уулзалтын үеэр илтгэл хэлэлцүүлэх хүмүүс одоогийн байдлаар сонгогдоогүй байгаа бөгөөд нийтлэлч Баабар, УИХ-ийн гишүүн Х.Тэмүүжин, хуульч Ц.Оюунгэрэл, УИХ-ын гишүүн С.Оюун нэр дэвшсэн байгаа гэнэ.

“Соошл медиа” уулзалт нь оролцогсод өөрийгөө танилцуулах, туршлагаа бусадтай хуваалцах, бизнесээ сурталчилж, хүрээллээ нэмэгдүүлэх, онлайн танилаа ажил хэрэг болгох боломжийг нээж өгөхөөс гадна энэ үеэр оролцогсод санал бодлоо нээлттэй илэрхийлж, төрөл бүрийн хөгжилтэй тэмцээнүүд болох ажээ. Өмнөх уулзалтын үеэр УИХ-ын гишүүн Д.Энхбат сонирхолтой илтгэл хэлэлцүүлжээ. Энд дарж үзнэ үү https://www.facebook.com/SMCUlaanbaatar