Япон улсаас Монгол Улсад суух Элчин сайдын нэрэмжит го даамын ес дэх удаагийн тэмцээн өнгөрөгч амралтын өдрүүдэд Монгол-Япон төвд боллоо. Тэмцээнд оролцсон даамчид дээд, дэд болон гуравдугаар бүс гэсэн гурван хэсэгт хуваагдан өрсөлдсөн бөгөөд дээд хэсэгт го даамын V дантай, Спортын мастер Ц.Сансар, IV дантай Р.Тунгалаг зэрэг найман тамирчин оюун ухаанаа уралдуулжээ. Харин дэд зиндаанд I зэрэг буюу нэг кюү ба түүнээс доош зэрэгтэй долоон тамирчин, гуравдугаар бүсэд зэрэг аваагүй 19 даамчин тойргоор тоглосон юм .

Тэмцээнд Японд улсаас Монгол Улсад суугаа бүрэн эрхт Элчин сайд ноён Шимизү, Монгол дахь япончуудын холбооны тэргүүн нар оролцож, амжилт гаргасан тамирчдад цом, медаль, дурсгалын зүйлс гардуулсан байна.